Reading Problems? Click Here


പ്രവാചകോ മനോമോഹന വിഭൂഷണാനന്ദ......


"അമ്മച്ചീ എലക്ഷൻ വരുന്നു.."

"അതിനെന്ത്‌ എന്നത്തേയും പോലെ എന്റെ കൊച്ചൻ മുന്നിരയിൽ നിന്ന് നയിക്കും. അടുത്ത അഞ്ച്‌ കൊല്ലത്തേക്കുള്ള ഡപ്പോസിറ്റ്‌ സ്ലിപ്പ്‌ വരെ റെഡ്യല്ലേ"

"ചെക്കൻ മുന്നിൽ നിന്ന്.... ദേ എന്നെക്കൊണ്ടൊന്നും പറയിക്കല്ല് കേട്ടാ... വല്ലടത്തും കുപ്പിപ്പാലും കൊടുത്തിരുത്തണ്ടേതിനെയൊക്കെ പോറോട്ടേം കൊടുത്ത്‌ വിട്ടോളും. നയിച്ച്‌ നയിച്ച്‌ പൊറോട്ട തിന്നടത്തൊന്നും ഇതേവരെ പച്ച തൊട്ടിട്ടില്ല! വാ തൊറന്നാ വിവരക്കേടും..."

"അപ്പ പണി പാളുമെന്നാണോ നീ പറയുന്നെ?"

"പാളുമെന്നല്ലാ, നല്ല പശുവിൻപാലിൽ പണി കിട്ടേം ചെയ്യും"

"എന്നാ നമുക്ക്‌ പാലിന്റെ വിലയങ്ങ്‌ കൂട്ടിയാലോ?"

"പാലിന്റെയല്ല പൂ… ദേണ്ടെ എന്നെക്കൊണ്ടൊന്നും പറയിപ്പിക്കല്ല്. അവിടെ ആ താടിക്കാരൻ ഇലക്ഷനു മൊത്തത്തിൽ മോഡി പിടിപ്പിച്ചോണ്ടിരിക്കുന്നു... അപ്പളാ തള്ളേടെ പാലും പാലടയും."

"എന്നാ നമ്മക്ക്‌ പഴയ 'മരണവും വ്യാപാരവും' സീരിയലിറക്കിയാലോ?"

"ഒരിക്കെ എറക്കി അണ്ടം കീറിയതല്ലേ.. ഇഞ്ഞീം വേണോ? അതൊന്നും ഇപ്പൊ പഴേപോലെ ക്ലച്ച്‌ പിടിക്കണില്ല. അതും പോരാഞ്ഞ്‌ നിങ്ങടെ കെട്ട്യോനും കോലോത്തെ ചെല വാല്യക്കാരും ചേർന്ന് തലേക്കെട്ടുകാരെ കൊന്ന പഴയ സംഭവം ചെല പാണന്മാരു കൊട്ടിപ്പാടുന്നുണ്ട്‌"

"തന്നേ? ആ താടീടെ ആളുകളായിരിക്കും എന്റിച്ചായനെ പറ്റി ഇമ്മാതിരി വേണ്ടാതീനം പറേണത്‌. പണ്ട്‌ എന്റെ കുഞ്ഞിനു ഇറ്റാലിയൻ ഫെസ്റ്റിനു പൊട്ടിക്കാൻ നാലഞ്ച്‌ പൊട്ടാസു തോക്ക്‌ വാങ്ങിച്ചേനു ഇവന്മാരെന്നാ ഒക്കെയാ പറഞ്ഞൊണ്ടാക്കിയെ...."

"ഇച്ചായൻ പണ്ട്‌ വെടിവച്ചതിന്റെ ഫലമാ....ദേണ്ടെ ഈ കൂട്ടക്കൊലപ്രശ്നം ഒന്നൊതുക്കാനെന്നാ വഴീന്ന് ആലോചിക്ക്‌"

"കൂട്ടക്കൊലയ്ക്കിപ്പൊ ഞാനെന്നാ ചെയ്യാനാടാ ഉവ്വേ? വല്ല വാഴക്കൊലേം ആരുന്നെങ്കിൽ ആ പവ്വറിനെ വിളിക്കാരുന്നു. ഇതിപ്പൊ....."

"നമ്മക്കൊരു ദിഗ്വിജയം നടത്തിയാലോ? അതാകുമ്പൊ വെട്ടിയത്‌ നമ്മളാണേലും "വോ ഹാഥ്‌ ലവന്മാരുടത്‌ ഹായ്‌" എന്ന് പറഞ്ഞോളും..."

"ശ്ശെ വിജയൻ വേണ്ട. പറഞ്ഞ്‌ പറഞ്ഞ്‌ ഇപ്പൊ തല വെളീൽ കണ്ടാ ആളുകള്‌ ഷൂസൂരുന്ന പരുവായി. താനൊരു കാര്യം ചെയ്യ്‌. ആ ടേപ്പ്‌ റിക്കാർഡറും റിമോട്ടും ഇങ്ങ്ൻ കൊണ്ടുവാ"

"റിക്കോർഡർ അവിടെൺഗാണ്ടിരുന്ന് എക്കണോമിക്സിന്റെ സ്പെല്ലിംഗ്‌ എഴുതി പഠിക്കുന്ന കണ്ടു. നോക്കട്ടെ..........."

...................................

"ദാണ്ടമ്മച്ചി ടെപ്പ്രിക്കാർഡറെത്തി. ന്നാ റിമോട്ട്‌"

"നീയതൊന്നോൺ ചെയ്തേടാ ഉവ്വേ....."

"പണം മരത്തിൽ കായ്ക്കൽ നഹി ഹെ....... എല്ലാ പേരും മരം വെട്ടി ഖാന ഖാത്തോ ഹോ...... പെട്രോൾ ഔർ ഗ്യാസ്‌ കി വില പത്തു റുപ്പയാ കൂട്ടുന്നു ഹൈ....."

"ഡാ ഡാ ഇത്‌ നമ്മൾ അടുത്ത ഇലക്ഷൻ കഴിഞ്ഞ്‌ ഇടാൻ റിക്കോർഡ്‌ ചെയ്തതല്ലേ? ആ കാസറ്റിങ്ങൂര്‌. ന്നിട്ട്‌ ദാ ഇതിട്‌...എന്റിച്ചായന്റെ കൊലയെ പറ്റി പറഞ്ഞവനൊക്കെ ഇത്‌ കേട്ട്‌ നാറട്ട്‌......"

"നമസ്കാർ...... ഉസ്‌ കൊലാ മേ ഇസ്‌ മഹത്തായ പാർട്ടി കോ കുച്ച്‌ നഹി കർത്താ ഹെ.... വോ മേരേലിയേ ഏക്‌ ബഹുത്‌ ബടാ വിഫൂഷൺ ദിയാ ഹെ. സബ്‌ മറ്റേ ലോഗ്‌ കാ ഹാഥ്‌ ഹെ.... മേരെ മാഡം ഔർ അവർടിച്ഛായൻ ലോകത്തിലെ സബ്സേബടാ മഹാൻ ഹെ..... ഹൈ... ഹൂം......



ഹോ!!!!!!!

വാൽക്കഷ്ണം : പിടികിട്ടാത്തവർ ഈ പോസ്റ്റും കമന്റുകളും നോക്കുക - https://plus.google.com/102654246319226354684/posts/PJF4dJZ2Gje


അല്ലെങ്കിൽ ആ പോസ്റ്റിന്റെ സ്ക്രീൻഷോട്ട് ഇവിടെ ഉള്ളത് നോക്കുക.




അമ്മച്ചീടെ ദാരിദ്ര്യസൂപ്പ്‌...

പാവങ്ങളുടെ ആരോഗ്യസംരക്ഷണത്തിനായി   ശ്രീമതി. മരുമകൾ ഗാന്ധി അവതരിപ്പിക്കുന്നു... "യു.പി.എ സൂപ്പുരാജ - അംബാനി ഫ്ലേവർ"

ആവശ്യമുള്ള സാധനങ്ങൾ
========================

1. യു.പി.എ തരുന്ന മൊബെയിൽ - ആൾക്ക്‌ ഒന്നുവീതം

2. മരുമകൾ  മാഡത്തിന്റെ പടമുള്ള പോസ്റ്റർ ചെറുതായി നുറുക്കിയത്‌ - 5

3. അപ്പൂപ്പൻ താടി - ഒരു സ്പൂൺ

4. കേരളാ പൊറോട്ട - രണ്ടെണ്ണം

5. റിലയൻസ്‌ റീചാർജ്ജ്‌ കൂപ്പൺ - 500 രൂപയ്ക്ക്‌. (മസ്റ്റ്‌)

തയ്യാറാക്കേണ്ട വിധം :
=======================

ആദ്യമായി ഒരു മീഡിയം ടൈപ്പ്‌ കലത്തിൽ നിറയെ വെള്ളമെടുക്കുക.വെള്ളം തിളയ്ക്കുമ്പോൾ കഴുകി വൃത്തിയാകിയ മൊബെയിൽ റിലയൻസ്‌ മാർട്ടിൽ നിന്ന് വാങ്ങിയ മുളകുപൊടി പുരട്ടി കലത്തിലേക്കിടുക. പതിനഞ്ച്‌ മിനുട്ട്‌ വേവാൻ അനുവദിക്കുക. ശേഷം "ജയ്‌ മമ്മിജി" എന്ന് പറഞ്ഞുകൊണ്ട്‌ ചെറുതായി നുറുക്കിയ പോസ്റ്റർ ചേർത്ത്‌ ഇളക്കുക. ഹൈപ്പരാക്ടിവിറ്റി, സംസാരം എന്നീ രോഗങ്ങളെ ചെറുക്കാനായി അപ്പൂപ്പൻ താടി ചേർത്ത്‌ നന്നായി ഇളക്കുക.

കേരളാ പൊറോട്ട ചേർക്കാൻ  മറന്നു പോകരുത്‌. നാൽപതാം വയസിലും യുവാവാക്കുന്ന ദിവ്യൗഷധമാണത്‌.

അഞ്ച്‌ മിനിട്ട്‌ കലത്തിൽ നോക്കിയിരുന്ന ശേഷം കലം ഇറക്കിവയ്ക്കുക. ഇതിനു ശേഷം റിലയൻസ്‌ കൂപ്പണുകൾ കുനുകുനാ അരിഞ്ഞ്‌ ചേർത്ത്‌ നന്നായി ഇളക്കി ചെറിയ വെള്ളിപ്പാത്രങ്ങളിൽ വിളമ്പുക. വിളമ്പി കഴിഞ്ഞ്‌ " ദരിദ്രരായ ഞങ്ങൾക്കായി കഷ്ടപ്പെടുന്ന സോണിയ മാതാവേ, നിനക്കും രാജയ്ക്കും അംബാനിക്കും സ്തുതിയായിരിക്കട്ടെ" എന്ന സ്തുതി ചൊല്ലി അണ്ണാക്കിലൊഴിക്കാവുന്നതാണു.

ദാരിദ്ര്യരേഖയ്ക്‌ കീഴെയുള്ളവർ ഈ സൂപ്പ്‌ ദിവസേന ഒരു നേരം കഴിച്ചാൽ പിന്നെ ഒരു ഭക്ഷണവും ആവശ്യമില്ല!

ദരിദ്രരില്ലാത്ത കിനാശ്ശേരി, അല്ലല്ല  ഇന്ത്യ! അതായിരുന്നു മമ്മിഗാന്ധി കണ്ട സ്വപ്നം!

====================================

അധികം കാത്തിരിക്കേണ്ടമ്മച്ചീ. ഒരഞ്ച്‌ കൊല്ലോം കൂടി മമ്മീം  മക്കളും മിണ്ടാപ്രാണീം കൂടെ ഭരിച്ചാൽ ഒക്കെ പട്ടിണി കൊണ്ട്ചത്തോളും</div>



സി.പി.എം എന്തായാലും അത്ര മണ്ടന്മാരല്ല കുഞ്ഞൂഞ്ഞേ...

വിമത മാർക്സിസ്റ്റ് നേതാവ് സ. ടി.പി. ചന്ദ്രശേഖരൻ കൊല്ലപ്പെട്ടു. കണ്ണൂർ മോഡൽ വെട്ടിക്കൊല തന്നെ. സംശയം നേരെ എ.കെ.ജി സെന്ററിലേക്ക് നീളും... സ്വാഭാവികം.

 പാർട്ടിയുടെ കൂടെ നിന്നിട്ട് പാർട്ടി നേതാക്കളെ, അതും കണ്ണൂർ ലോബി നേതാക്കളെ കുറ്റം പറഞ്ഞു കൊണ്ട് പാർട്ടി വിട്ടു പോയ ചന്ദ്രശേഖരനോട് സി.പി.എമ്മിനു വിരോധം തോന്നാം. അതും സ്വാഭാവികം. എന്നല്ല തോന്നിയില്ലെങ്കിലേ പ്രശ്നമുള്ളൂ....

 എന്നാൽ, പാർട്ടി വിട്ട്, പാർട്ടിക്കെതിരെ രണ്ട് ഇലക്ഷനുകളിൽ പ്രവർത്തിച്ച് ഒന്നൊന്നര കൊല്ലം കഴിഞ്ഞിട്ടും ടി.പി ചന്ദ്രശേഖരനെതിരെ ഒരു കല്ലു പോലും എറിയാത്ത സി.പി.എം, നെയ്യാറ്റിങ്കരയിലെ ഇലക്ഷനു തൊട്ടുമുൻപ് ഇത്തരത്തിലൊരു മണ്ടത്തരം കാണിക്കും എന്ന് ഏതെങ്കിലും സി.പി.എം വിരുദ്ധൻ എങ്കിലും വിശ്വസിച്ച് പോയാൽ അതസ്വാഭാവികം....

സി.പി.എമ്മിനു അടുത്ത അടി ഉടനെ എന്ന് നമ്മടെ "ചീപ്പ് വിഫ്" പ്രസ്താവിച്ച് ഒരാഴ്ച തികയും മുൻപേ ഇത്തരം ഒരു ക്രൂരകൃത്യം നടന്നതും, മരണവാർത്ത പത്രമാഫീസിൽ എത്തും മുൻപ് തന്നെ കേരളമെമ്പാടും യൂത്തന്മാരായ കുഞ്ഞാടുകൾ ഹർത്താലിന്റെ സകല ഒരുക്കങ്ങളും പൂർത്തിയാക്കിയതും കൂട്ടിച്ചേർത്ത് വായിക്കില്ല കേരളജനത എന്ന് കരുതുന്ന ഖദറിട്ട "കൂത്രി"(കുഞ്ഞൂഞ്ഞ്-കുഞ്ഞാലിക്കുട്ടി-കുഞ്ഞുമാണി) ഭക്തരായ കുഞ്ഞാടുകൾ, എത്രയും പെട്ടെന്ന് എതെങ്കിലും ഇവന്റ് മാനേജ്മെന്റ് കമ്പനികളിൽ പോയി ട്രെയിനിംഗ് നേടുന്നതാകും നല്ലത്...

മരിച്ച് മണിക്കൂറിനുള്ളിൽ പ്രതികളെ അനൗൺസ് ചെയ്യൽ, ഹർത്താലിനാഹ്വാനം ചെയ്യൽ....... പണ്ട് ചങ്ങനാശ്ശേരി കോളേജിലെ അടിയ്ക്ക് സി.പി.എം തയ്യാറാക്കിയ തിരക്കഥയെ വെല്ലുന്ന തിരക്കഥാമികവ്. പക്ഷേ, സമീപകാലത്തെ രഞ്ജിപണിക്കർ തിരക്കഥ പോലെ, എന്തോ എവിടെയോ ഒരു പിഴവ്..... അല്ലേ കുഞ്ഞൂഞ്ഞച്ചായാ.... :-)))

സിപിഎം വിട്ടു പോയ ടി.പി. ചന്ദ്രശേഖരന്റെ അവസ്ഥ കാട്ടി സിപിഎം വിട്ടു വന്ന ശെല്വരാജിനു സഹതാപതരംഗം നേടിയെടുക്കാം, സിപി.എമ്മിനു ഒരു ചീത്തപ്പേരും കൊടുക്കാം എന്ന ജോർജ്ജിയൻ പിസി ഐഡിയ കൊള്ളാമായിരുന്നു, പക്ഷേ ടൈമിംഗ് തെറ്റിപ്പോയി അച്ചായാ....

ക്രിസ്റ്റ്യൻ നാടാർക്ക് സംവരണം കൊടുക്കാം എന്ന് ലത്തീൻ കത്തോലിക്കാ സഭയ്ക്ക് ഉറപ്പു കൊടുത്ത് ശെല്വരാജിനെ രാജിവയ്പ്പിച്ച ബുദ്ധി കിടിലമായിരുന്നു. ഐ അപ്രിഷിയേറ്റ് ദാറ്റ്. പക്ഷേ, ഇത് ഒരുമാതിരി ചെറ്റത്തരമായിപ്പോയി, കേട്ടോ അച്ചായാ....

എന്തായാലും പണ്ട് കൃസ്ത്യൻ പള്ളിക്ക് കല്ലെറിഞ്ഞും ചങ്ങനാശേരീൽ എ.എസ്.ഐയെ അടിച്ചു കൊന്നും തിരക്കഥകൾ രചിച്ച് കളിച്ച സി.പി.എമ്മിനു അതേ നാണയത്തിൽ തിരിച്ചടികൾ  കിട്ടുന്നതിനെ, ഈശ്വരവിശ്വാസികൾ "കർമ്മഫലം" എന്ന് പറയും......

ഡയലക്ടിക്കൽ മെറ്റീരിയലിസത്തിൽ എന്താണോ പറയുക.......

ഏതായാലും കുഞ്ഞൂഞ്ഞിന്റെ ജോർജ്ജിയൻ പിസി ഐഡിയയ്ക്ക് കുഞ്ഞാടുമക്കളുടെ ഒരു ഫേസ്ബുക്ക് പേജിതാ........ അതിനായി ഒരു രക്തഹാരം അർപ്പിച്ച് നാലു ഇങ്ക്വിലാബും ഒരു കട്ടൻ ചായയുമായി നമുക്ക് നെയ്യാറ്റിങ്കരയിലേക്ക് പോകാം.........


രഘുപതി രാഘവരാജാറാം...... അയ്യോ സോറി, കാലം മാറിയല്ലോ!

"ഇറ്റലി മാഡം രാജാ റോം..... പതീത ഭാവന യുവരാജോം...."


"മി. ആലഞ്ചേരി, ഏതാണു നിങ്ങളുടെ മാതൃരാജ്യം?"

കടൽക്കൊല : കേരളത്തിനു കേസെടുക്കാൻ അധികാരമില്ലെന്ന് കേന്ദ്രം...

കർദ്ദിനാൾ പട്ടമെന്ന മുപ്പതു വെള്ളിക്ക്‌ വെടിയേറ്റുവീണ ക്രിസ്തുവിന്റെ പിൻഗാമിയെ ഒറ്റിയ ആലഞ്ചേരിയും മാഡത്തിന്റെ കാലുനക്കാൻ ഒരു ചാൻസ്‌ തേടി സ്വന്തം നാടിനെ ഒറ്റിയ പരമനായിന്റെ മക്കളും...

ബ്രിട്ടീഷുകാർ കച്ചവടത്തിനു വന്ന് കീഴടക്കി. ഇറ്റലിക്കാർ രാജകുമാരന്റെ പ്രണയത്തിലൂടെയും...

സോണിയാ മാഡത്തിന്റെ "മാതൃരാജ്യം" ഇന്ത്യയല്ലെന്നറിയാം.

ചത്തുപോയ മീങ്കാരനെയും സ്വർഗ്ഗസമാനവത്തിക്കാനെയും തുലാസിലെടുത്തപ്പൊ ക്രിസ്തു ഇരുന്ന തട്ടിനേക്കാൾ തൂക്കം വത്തിക്കാനു വന്ന ആലഞ്ചേരിയുടെ തുലാസിനേം കുറ്റം പറയാൻ പറ്റില്ല.എക്സ്ട്രാ ടെറസ്ട്രിയൽ ലോയൽറ്റി എന്ന ഒരസുഖമാണത്‌.

നാടിന്റെ മാനത്തിനേക്കാൾ വില മാഡത്തിന്റെ അടിപ്പാവടയ്ക്കാണെന്ന് കരുതുന്ന കേന്ദ്രത്തിലെ എച്ചിൽ തീനികളൊടു ചോദിച്ചിട്ട്‌ കാര്യവുമില്ല.,

ആലഞ്ചേരി പിതാവു കയ്യാളുന്ന ക്രിസ്ത്യൻ വോട്ടും വത്തിക്കാനെന്ന "ക്രിസ്തുവിന്റെ അധികാരികളുടെ" പവറും കണ്ട്‌ ഭയന്ന് പോയ കേരളത്തിലെ "കത്തോലിക്കൻ മന്ത്രിമാരെയും" പറയാനൊക്കൂല്ല. പിറവത്തിനു പ്രത്യുപകാരം ചെയ്യണ്ടായോ!

എന്നാലും പ്രധാനമന്ത്രിക്കസേരയിൽ ഞെളിഞ്ഞിരിക്കുന്ന മന്മോഹൻ സിംഗ്‌, താങ്കൾ ദയവായി ആ താടിയും തലപ്പാവും മാറ്റണം. കാരണം സിക്കുമതത്തിൽ അത്‌ രണ്ടും പുരുഷന്മാർക്ക്‌ പറഞ്ഞിട്ടുള്ളതാണു.

ചത്തുപോയ രണ്ട്‌ കുഞ്ഞാടുകളേക്കാളും സ്വന്തം രാജ്യത്തിനെ "മാനത്തിനേക്കാളും അരമന ഇരിക്കുന്ന രാജ്യമാണു വലുതെന്ന് തെളിയിച്ച ആലഞ്ചേരി പിതാവേ, നന്ദിയുണ്ട്‌. 80% വരുന്ന ഭൂരിപക്ഷമെന്ന നായ്ക്കളല്ല, ഒരാലഞ്ചേരിയും കത്തോലിക്കൻ മന്ത്രിമാരുമാണു ഇവിടെ കാര്യങ്ങൾ തീരുമാനിക്കുന്നതെന്ന് ഓർമ്മിപ്പിച്ചതിനു...

എങ്കിലും ഒരു സംശയം : "മി. ആലഞ്ചേരി, ഏതാണു നിങ്ങളുടെ മാതൃരാജ്യം?"



മനുഷ്യനെ മയക്കുന്ന കറപ്പും കറപ്പിനെ വിൽക്കുന്ന ചുവപ്പും...

കുറേയേറെ നാളുകളായി പത്രം തുറന്നാൽ മനസുമടുപ്പിക്കുന്ന വാർത്തകളേ കാണാറുള്ളൂ.... എന്നാൽ ഇന്ന് മനസു തുറന്ന് ഒന്ന് ചിരിച്ചു... ചിരിച്ചൂന്ന് വച്ചാൽ ചിരിച്ച് ചിരിച്ച് മണ്ണുകപ്പുക എന്നൊക്കെ പറയില്ലെ.... അത് തന്നെ....



ദേ ഇപ്പൊ നിങ്ങളും ചിരിച്ച് തുടങ്ങിയ സ്ഥിതിക്ക് ഇനി അഹങ്കാരി ചിരിച്ചതെന്തിനാണെന്ന് പറയേണ്ടി വരില്ലല്ലൊ അല്ലെ???

പാവം ജയരാജൻ സഖാവ്. കൃസ്ത്യാനികളുടെ വോട്ട് കേ.കോയും വെറും കോയും കൂടി തട്ടിയെടുക്കുമോ എന്ന ഭയമാണോ അതോ പിറവത്തിന്റെ ചൂടു കൂടി പാവത്തിന്റെ പിരിയെളകിയതാണോ, എന്ത് തന്നെയായാലും "ഐറ്റം അടാറായി സഖാവേ" എന്ന് തന്നെ പറയണം. മരണവീട്ടിൽ കണ്ണീരിന്റെ ചവിട്ടുനാടകം കളിക്കുന്ന മലയോരകോൺഗ്രസിന്റെ അടവിന്റെ ചുവട് പിടിച്ചാണെങ്കിലും അല്ലെങ്കിലും, സംഗതി അങ്ങ് കസറീട്ടാ.... :)))

സഖാവേ, ഈ മനുഷ്യനെ ഓർമ്മയുണ്ടോ??? പരിപ്പുവടയും കട്ടഞ്ചായയും കേറ്റാത്ത എസി കോൺഫറൻസ് റൂമിന്റെ മൂലയ്ക്കെവിടേലും ഭിത്തീലെ പടമായിട്ടോ, എസി കാറിൽ കത്തിച്ച് വിടുമ്പോ റോഡുവക്കത്ത് പോസ്റ്ററിൽ കണ്ട മുഖമായിട്ടോ വല്ലതും????

മാർക്സ് എന്നാണത്രെ പേരു. കാർള്‍ ഹെൻറിഷ് മാർക്സ്. പണ്ടെങ്ങാണ്ട് ജീവിച്ചിരുന്ന ഒരു ജൂതവംശജനായിരുന്നു... അങ്ങേർക്ക് സഖാവിന്റത്ര ബുദ്ധി ഇല്ലാത്തതു കൊണ്ടാവും, അങ്ങേർ പറഞ്ഞത് "മതം മനുഷ്യനെ മയക്കുന്ന കറപ്പാണ്" എന്നാണ്.... പാവം കണ്ട്രി ഫെലോ, അല്ലേ സഖാവേ....

ങാ സാരമില്ല സഖാവേ... കിട്ടാനുള്ളത് അധികാരത്തിന്റെ വീഞ്ഞുഭരണിയാകുമ്പോ, അതിനു വേണ്ടി കറുപ്പല്ല, കഞ്ചാവും ബ്രൗൺഷുഗറും കേറ്റേണ്ടി വന്നാൽ അതും നമ്മളു കേറ്റും.... നമ്മളാരാ മൊതല്.... ഹി ഹി... നടക്കട്ടെ നടക്കട്ടെ....നടക്കുമ്പൊ പക്ഷേ പഴയ പൊന്നാണ് നീ യും ഒന്നും മറക്കാണ്ടിരുന്നാ വീഴുന്ന കുഴീടെ ആഴം കുറയ്ക്കാം...

കൊച്ചീ മണ്ഡലത്തിൽ വോട്ടുണ്ടായിരുന്ന ജൂതന്മാർ ഉണ്ടായിരുന്നെങ്കിൽ, ഒന്നു രണ്ട് കിടിലൻ ഉപമകളും കൂടി കേൾക്കാമായിരുന്നു.....

മേൽക്കഷണം :
"പ്രകാശ് കാരാട്ട് യേശുദേവന്റെ സ്ഥാനത്താ"ണെങ്കിൽ ശ്രീമാൻ സഖാവ് മാർക്സ് പറഞ്ഞ "കറപ്പ്" ആയ മതത്തിന്റെ അമരക്കാർ - ചൂഷകരായ പുരോഹിതന്മാർ - ആരാണ് സഖാവേ? സ്റ്റേറ്റ് സെക്രട്ടറിയും പഴേ "പിടലി" ശശിയും ജയരാജത്രിമൂത്രികളുമൊക്കെ അതിൽ പെടുമായിരിക്കുമല്ലേ...

നടുക്കഷണം :
"സിപിഎം കൃഷ്ത്യൻ സഭ : പ്രകാശ് കാരാട്ട്  യേശുദേവൻ" - കാരാട്ടേയ്, മുൾക്കിരീടവും ചാട്ടയടിയും ഒടുക്കം കുരിശുമരണവും ആണോ ജയരാജൻ ഉദ്ദേശിച്ചത്?? ആർക്കറിയാം....
ഏതായാലും പാർട്ടി കുഞ്ഞാടുകൾക്ക് ഇനി കിലോക്കണക്കിനു വരുന്ന കമ്മി-ഊണിസ്റ്റ് മാനിഫെസ്റ്റോയും മൂലധനവും ഒന്നും വാങ്ങി വയ്കണ്ടല്ലോ! കമ്മ്യൂണിസ്റ്റ് ബൈബിൾ ദേശാഭിമാനി പ്രസിൽ തയ്യാറായിക്കുണ്ടിരിക്കുന്നുണ്ട്... വൺ ഇസ് ഇനഫ്.....ഏതായാലും അതിലേക്കൊരു നൊവേന അഹങ്കാരീടെ വക....

അപ്പോൾ...പാവം വത്തിക്കാനും അവിടത്തെ മാർപ്പാപ്പയും ആരായി..... പി.ശ... ച്ഛായ് അത് വേണ്ട.....

വാൽക്കഷണം
സഖാവേ, പിറവം മാത്രം മതിയോ... പഴേ പൊന്നാനിയും വേണ്ടേ???
കാരാട്ടിനെ നബിയായിട്ടുപമിച്ച് ഒരു പ്രസംഗം കൂടി... പ്ലീസ്... കേരള ജനതയ്ക്ക് ഒരു ശല്യം കുറഞ്ഞ് കിട്ടുമല്ലൊ... പ്ലീസ്... (കെയിയെന്നൊക്കെ "ഞമ്മന്റെ കാര്യം" വരുമ്പൊ കളം മാറിക്കോളുമെന്നേ...)