Reading Problems? Click Here


മനുഷ്യരെ ചുട്ടു തിന്നുന്നവര്‍ക്കെതിരെ...

ഇന്നു രാവിലെ ബ്ലോഗില്‍ കണ്ട ഒരു വാർത്ത :-

കോട്ടയം: ഓര്‍ത്തഡോക്സ് സഭയുടെ മൂന്നു കുരിശടികള്‍ തകര്‍ത്ത സംഭവത്തിന്റെ പ്രതികളെ തെളിവു സഹിതം ചൂണ്ടികാട്ടിയിട്ടും അറസ്റ്റു ചെയ്യാത്തത് ഇവരുടെ സി.പി.എം ബന്ധം പുറത്താകുമെന്നതിനാലാണെന്നു മലങ്കര ഓര്‍ത്തഡോക്സ് സഭാ നേതൃത്വം ആരോപിച്ചു. .... പ്രതികളെക്കുറിച്ചുളള യഥാര്‍ഥ വിവരങ്ങളും ഇവര്‍ എത്തിയ ബൈക്കിന്റെ താക്കോലും നാട്ടുകാര്‍ പോലീസിനു കൈമാറിയിരുന്നു. എന്നാല്‍, ആറു ദിവസം കഴിഞ്ഞിട്ടും പ്രതികളെ പിടികൂടിയിട്ടില്ലെന്നും ഓര്‍ത്തഡോക്സ് സഭ ഭാരവാഹികള്‍ പറഞ്ഞു.

കുറച്ചു മുമ്പ് നെടുമ്പാശേരിയില്‍ വേറൊരു പള്ളി ആക്രമിച്ചതും ഈ കൂട്ടർ തന്നെയായിരുന്നു. എന്നിട്ടോ? ചർച്ചകൾ നടത്തി തെറ്റിദ്ധാരണക‌‌ള്‍ തീര്‍ക്കാന്‍ ശ്രമിക്കുന്നവരോട് "നിങ്ങൾ ഇങ്ങനെ മേശക്കു ചുറ്റുമിരുന്നു വെറുതേ ചര്‍ച്ചകളൊക്കെ നടത്തി ഇരുന്നാല്‍ മതിയോ?" എന്നൊരു ചോദ്യവും. (അതിനെക്കുറിച്ച് ഞാന്‍ ഒരു പോസ്റ്റിട്ടിരുന്നു. സഖാവിനിത് സഹിക്കണില്ല...) കുളം കലക്കി മീന്‍ പിടിക്കാന്‍ ശ്രമിക്കുന്നവരോട് ഒരല്പം ദേഷ്യം തോന്നിയെങ്കിലും ആ ചോദ്യം അഹങ്കാരിയെ ചിരിപ്പിച്ചു. ബാക്കിയുള്ളവരൊക്കെ വെറും മണ്ടന്മാരാണെന്നാണ് ഈ (കപട) മതേതരന്മാരുടെ വിചാരം.


ദേശാഭിമാനിയുടെ പ്രൂഫ് റീഡിംഗ്...

അഹങ്കാരി പല തരം മണ്ടത്തരങ്ങളും കണ്ടിട്ടുണ്ട്- എന്നാല്‍ ഒരു മുന്‍(???) നിര പത്രം ഇത്ര വലിയ ഒരു മണ്ടത്തരം കാണിക്കുന്നത് ആദ്യായിട്ടാ...

ഹല്ല, ഒത്തിരി നുണകള്‍ എഴുതണം, പിന്നെ ഉള്ള വാര്‍ത്തകള്‍ക്കെടേന്ന് തങ്ങളുടെ പാര്‍ട്ടിയുടെ തോന്ന്യാസങ്ങളല്ലാത്തവ തിരഞ്ഞ് പിടിക്കണം, അത് തന്നെ പാര്‍ട്ടിയെ ബൂസ്റ്റ് ചെയ്യുന്ന രീതിയില്‍ മാറ്റിയെഴുതണം, നാലാം‌ലോകവാദത്തിനു തീ പിടിപ്പിക്കണം , ഇതൊക്കെ പോരാഞ്ഞ് മാര്‍ട്ടിന്‍ ചേട്ടനെ കാണണം, ലിസ് മുതലാളീടെ കാശു സൂക്ഷിക്കണം, ബോണ്ടെഴുതണം, കേസൊതുക്കണം....പാവം ദേശാഭിമാനിക്കാര്‍ക്ക് പിടിപ്പത് പണിയല്ലേ..അതിനിടക്ക് ഇത്ര പ്രാധാന്യമില്ലാത്ത വാര്‍ത്ത നോക്കാനാര്‍ക്ക് സമയം...