സുകുമാരേട്ടനു ഒരു തുറന്ന കത്ത്...

കെ.പി.സുകുമാരൻ അഞ്ചരക്കണ്ടി സാർ തന്റെ ബ്ലോഗിൽ തഥാഗതൻ എന്ന ആൾക്ക് കൊടുത്ത മറുപടിയോടുള്ള പ്രതികരണമാണിത്. ആ കമന്റിൽ അദ്ദേഹം പറഞ്ഞതു പോലെ, ഇതൊരു കമന്റായി അവിടെ ഇട്ടാൽ മതി. എന്നാൽ അവിടെ “യുക്തിവാദി” വേഷമണിഞ്ഞ ജിഹാദികൾ കയ്യടക്കിയിടത്ത് ഇനി ഒരു കമന്റിനു പ്രസക്തി ഇല്ല എന്നതിനാലും, എനിക്ക് പറയാനുള്ളത് എല്ലാവരോടുമാണ് എന്നതിനാലും, ഒരു തുറന്ന കത്ത് പോലെ എനിക്ക് പറയാനുള്ളത് ഞാൻ ഇവിടെ പോസ്റ്റുന്നു. - ഇതാണ് സുകുമാരേട്ടന്റെ കമന്റ്.



വിട്ടുവീഴ്ച എന്നത് ഒരു ഭാഗത്തിന്റെ മാത്രം ഉത്തരവാദിത്വമാണോ സുകുമാരേട്ടാ? 500 വർഷമായി ഹിന്ദുക്കൾ മാത്രം ഒരു ഭാഗത്തു നിന്ന് മാത്രം വിട്ടുവീഴ്ച ചെയ്താൽ മതിയോ? പള്ളിയുടെ കല്ലുകൾ കൊണ്ട് തന്നെ, ഹിന്ദുക്കളുടെ ചിലവിൽ പുതിയ പള്ളി പണിതു തരാം - ആ സ്ഥലം മാത്രം വിട്ടു തന്നാൽ മതി, ക്ഷേത്രത്തിനു സമീപം പുതിയ പള്ളി പണിതു തരാം - ഇതിലൊക്കെ കൂടുതൽ എന്തു വിട്ടുവീഴ്ച ചെയ്യാനാണ് സുകുമാരേട്ടൻ പറയുന്നത്? ഒറ്റവാക്യത്തിൽ “അയോധ്യയിന്മേലുള്ള അവകാശവാദം ഉപേക്ഷിച്ച് ഹിന്ദുക്കൾ പിന്മാറണം, പറ്റുമെങ്കിൽ ഹിന്ദുക്കൾ അവിടെ പള്ളി പണിത് നൽകണം” എന്നോ?

അയോധ്യ ഹിന്ദുവിന്റെ ഒരേ ഒരു പുണ്യസ്ഥലമാണോ എന്ന് - ശരിയാണ്, അല്ല. പക്ഷേ അത് അഞ്ച് പുണ്യനഗരങ്ങളിൽ ഒന്നാണ് എന്ന് അറിയുമയിരിക്കുമല്ലോ? മറ്റ് നാല് നഗരങ്ങളിലും ഇതേ മാതൃകയിൽ ക്ഷേത്രം നിന്ന സ്ഥാനത്ത് ഇപ്പോൾ പള്ളികളാണെന്ന് അറിയുമോ സുകുമാരേട്ടന്? അതുൾപ്പടെ മറ്റ് മൂവായിരത്തോളം ക്ഷേത്രധ്വംസനങ്ങൾ (പ്രധാ‍നപ്പെട്ട പത്തെണ്ണമെങ്കിലും നിഷ്പക്ഷരായവർക്ക് നിഷേധിക്കാൻ പറ്റാത്ത തെളിവുകളോടു കൂടിയവയാണ് - മഥുര,ദ്വാരക, കാശി എന്നിവ ഉൾപ്പടെ) മറക്കുവാനും പൊറുക്കുവാനുമുള്ളത്ര വിട്ടുവീഴ്ച ചെയ്യാൻ ഹിന്ദുക്കൾ തയ്യാറായിരുന്നു, ഇപ്പോഴും തയ്യാറാണ്. ഇനി സമ്പൂർണമായി മുസ്ലിങ്ങൾക്ക് കീഴടങ്ങി, സ്വന്തം അഭിമാനം പോലും പണയം വച്ച് ജീവിക്കുന്ന വിട്ടുവീഴ്ചയാണോ ഹിന്ദുക്കൾ ചെയ്യേണ്ടത് സുകുമാരേട്ടാ? വ്യക്തമാക്കിയാലും.

ഇനി, താങ്കൾ തന്നെ പറഞ്ഞു - “മെക്ക പോലെയും ജെറുസലേം പോലെയും ഒരേ ഒരു” എന്ന് - അപ്പോൾ മെക്കയും ജറുസലേമും ഒന്നാണോ സുകുമാരേട്ടാ? മെക്കയും ജറുസലേമും -രണ്ടും കൂടി - “ഒരേ ഒരു” പുണ്യസ്ഥലം ആയതിനാ‍ലാണോ മുസ്ലിങ്ങൾ ജറുസലേമിനായി ആയിരങ്ങളെ ബോംബ് വച്ച് പൊട്ടിച്ചിതറിക്കുന്നത്?ഇവിടെ അയോധ്യയ്ക്കായി നൂറുകണക്കിനു പേരെ കൊന്നത്?  അയോധ്യയ്ക്കായി ഒരു ഹിന്ദുവും ഒരാളെയും കൊന്നില്ല - അയോധ്യാനന്തര  കലാപം ഉണ്ടാക്കിയത് മുസ്ലിങ്ങളും കൊല്ലപ്പെട്ടത് ഹിന്ദുക്കളും ആണെന്നതൊക്കെ മറച്ച് വച്ച്  ഇനിയും ഹിന്ദുക്കൾ എന്ത് വിട്ട് വീഴ്ചയാണ് ചെയ്യേണ്ടതെന്ന് താങ്കൾ ദയവായി വ്യക്തമാക്കിയാലും സുകുമാരേട്ടാ.

“ജറുസലേമിനു വേണ്ടി ആയിരങ്ങളെ കൊല്ലാതെ വിട്ടുവീഴ്ച ചെയ്യുവാൻ” ഒന്ന് സ്വപ്നം കാണുവാനെങ്കിലും ഉള്ള ധൈര്യം ഉണ്ടോ താങ്കൾക്ക്?

ബാബർ നിർമ്മിച്ചത് പ്രാർത്ഥനയ്ക്ക് ഉള്ള പള്ളി ആയിരുന്നോ സുകുമാരേട്ടാ? അത് അങ്ങേരുടെ വിജയചിഹ്നമല്ലേ? അതിലുമെത്രയോ വലുതാണ്, ഈ നാട്ടിൽ (മാത്രം) നൂറ്റാണ്ടുകളായി ജീവിക്കുന്ന ഒരു ജനസമൂഹത്തിന്റെ വികാരത്തിനുള്ളത്?  ബാബർ നിർമ്മിച്ച കെട്ടിടം മുസ്ലിങ്ങളുടെ “ഒരേ ഒരു” പോയിട്ട്  പ്രാർഥനയ്ക്കുള്ള “ഒരു”ദേവാലയം പോലുമല്ലെന്നിരിക്കെ, അതിന്മേൽ “മുസ്ലിങ്ങൾ വിട്ടുവീഴ്ചയ്ക്ക് തയ്യാറാകണം” എന്ന് പറയുവാനുള്ള ധൈര്യം താങ്കൾക്കുണ്ടോ?

ഷാബാനു കേസിലൂടെ, സുപ്രീംകോടതി വിധിവന്നലും അതിനെ മറികടക്കാനുള്ള രാഷ്ട്രീയ പിൻബലമുണ്ടെന്ന അഹങ്കാരത്തിൽ നിന്നും ഉടലെടുത്തതല്ലേ ഇന്ന് അയോധ്യയിന്മേൽ മുസ്ലിങ്ങളുടേ പ്രതിനിധികളായി സ്വയം അവരോധിച്ച് ചിലർ കാട്ടിക്കൂട്ടുന്ന നാട്യങ്ങൾ?

അല്ലെങ്കിൽ, പുരാവസ്തുവകുപ്പ് തർക്കമന്ദിരത്തിനടിയിൽ ക്ഷേത്രാവശിഷ്ടം കണ്ടെത്തിയപ്പോഴും, ബാബറി കെട്ടിടത്തിന്റെ നിർമ്മിതിയിൽ നിന്ന് പോലും ക്ഷേത്രശിലകൾ കണ്ടെടുക്കപ്പെട്ടപ്പോഴുമൊക്കെ, എല്ലാറ്റിലും സംഘപരിവാർ-ഹൈന്ദവത ആരോപിച്ച് രക്ഷപ്പെടാൻ ശ്രമിക്കയല്ലേ ബാബറി ആക്ഷൻ കമ്മറ്റി പോലുള്ളവർ ചെയ്തത്? - താങ്കൾ ദയവായി അതിനെ പറ്റി ഒന്ന് പഠിക്കൂ.

എന്തിലും ഏതിലും “സംഘപരിവാർ” എന്ന് ആക്രോശിച്ച് നിശബ്ദരാക്കുന്ന കാലം കഴിഞ്ഞു എന്ന് ഇനിയും ഇവർ മനസിലാക്കാത്തതെന്തേ എന്നാണു മനസിലാകാത്തത്!

മെക്ക എങ്ങനെ മുസ്ലിങ്ങൾക്ക് പുണ്യസ്ഥലമായി? ഈ പ്രപഞ്ചം മുഴുവൻ നിറഞ്ഞു നിൽക്കുന്ന സർവ്വസ്രഷ്ടാവിനു മെക്ക എന്ന സ്ഥലത്തോട് എന്തേ ഇത്ര അനുഭാവം? ഈ പ്രപഞ്ചം മുഴുവൻ അവന്റെ ദേവാലയമായിരിക്കെ, എന്തിനു ലോകമെമ്പാടുമുള്ള മുസ്ലിങ്ങൾ അതിനു നേരെ നിസ്കരിക്കുന്നു?

എന്തിനു വേണ്ടി മുസ്ലിങ്ങൾ “ജറുസലേമിനായി” ആയിരങ്ങളേ കൊല്ലുന്നു, സ്വയം കൊല്ലപ്പെടുന്നു?

അയോധ്യ എന്നത് ഈ നാട്ടിലെ സംസ്കാരത്തിൽ വിശ്വസിക്കുന്ന, അഭിമാനിക്കുന്ന ഓരോ ഹിന്ദുവിന്റെയും വികാരമാണ്. അത് മതവിശ്വാസത്തിന്റെ പ്രശ്നമല്ല. ഈ നാടിന്റെ സംസ്കാരത്തിന്റെ ചിഹ്നമാണ് അയോധ്യ. ഓരോ നാടും, അധിനിവേശത്തിൽ നിന്നും മുക്തമാകുമ്പോൾ, അധിനിവേശത്തിന്റെ അടയാളങ്ങൾ മായ്ച്ച്, ആ നാടിന്റെ ചിഹ്നങ്ങൾ കൊണ്ടുവരാറുണ്ട്. ഇങ്ങ് മുംബൈയിലെ ഛത്രപതി ശിവജി ടെർമിനൽ തന്നെ ഉദാ‍ഹരണം.

തിരിച്ച് പ്രതികരിക്കുന്നില്ല എന്നു കരുതി, കൂട്ടത്തോട് വോട്ട് കുത്താനും കശ്മീരിലെ പോലെ പട്ടാളത്തിന്റെ നെഞ്ചത്ത് കേറാനും തയ്യാറകുന്നില്ല എന്ന് കരുതി, കൂടെ നിൽക്കാൻ ചുറ്റികായുധന്മാരില്ല എന്ന് കരുതി എപ്പോഴും ഹിന്ദുക്കളുടെ നെഞ്ചത്ത് “വിട്ടുവീഴ്ച”യുടെ പൊങ്കാലയിടുമ്പോൾ, ഏത് അടിച്ചമർത്തപ്പെടുന്നവനും ഒരു ദിനം ഉയിർത്തെഴുന്നേൽക്കുമെന്നും, അത് അടിച്ചമർത്തുന്നവന്റെ നേരെ ആയുധമെടുക്കേണ്ടി വരുന്ന പോരാട്ടമാകുമെന്നും ഓർക്കുക.

8 നൂറ്റാണ്ട് മുസ്ലിം- ബ്രിട്ടീഷ് ഭരണാധികാരികൾ മാറി മാറി ചവിട്ടി മെതിച്ചിട്ടും, ഇന്നും ഇസ്ലാമിക ഭീകരവാ‍ദത്തിന്റെ വോട്ടിനായി ചുക്കിനും ചുണ്ണാമ്പിനും ഇടവും വലവും നടുവും മാറി മാറി സവർണനെന്നും ഫാസിസ്റ്റെന്നും സയണിസ്റ്റെന്നും ഒക്കെ മുദ്രകുത്തുമ്പോഴും, സാധാരണ ഹിന്ദു സഹിക്കുകയാണ്. പക്ഷേ അവന്റെ വിശ്വാസങ്ങൾക്ക് മേൽ, അവന്റെ ബാക്കിയായ അല്പമാത്ര സന്തോഷങ്ങൾക്ക് മേൽ, അവന്റെ നൂറ്റാണ്ടുകളായുള്ള സംസ്കാരത്തിനു മേൽ എന്നുമെന്നും കുതിര കേറാമെന്നും, “നീ അടിമയാണ്, നീ സവർണഫാസിസ്റ്റാണ്, നീ ഹിന്ദുവാണ് - അതിനാൽ നീ വിട്ടുവീഴ്ച ചെയ്യുക തന്നെ വേണം, നിനക്കല്ലാതെ ഒന്നിനും അധികാരമില്ല” എന്ന് വീണ്ടും വീണ്ടും - വായനയും അറിവും ഉള്ളവർ പോലും, എന്തിനോ വേണ്ടി - ഹിന്ദുവിന്റെ മുഖത്തേക്ക് അട്ടഹസിക്കുമ്പോൾ, 80 കോടിയോളം വരുന്ന, ഈ ലോകത്ത് ഭാരതമെന്ന് ഈ ഒരു തുണ്ട് ഭൂമിയും അതിന്റെ സഹസ്രാബ്ദങ്ങൾ നീണ്ട സംസ്കാരവുമല്ലാതെ മറ്റൊന്നും സ്വന്തമായില്ലാത്ത ഒരു ജനസമൂഹം, എന്നേക്കുമെന്നേക്കും ആ ചവിട്ടടിയിൽ കിടന്ന് ആട്ടും തുപ്പുമേൽക്കും എന്നത് മലർപ്പൊടിക്കാരന്റെ സ്വപ്നം മാത്രമാണു സുകുമാരേട്ടാ!

ഇത്രയൊക്കെ , ഒരു സാധാരണ ഹിന്ദു ആയി ജനിച്ചതു കൊണ്ട് പറഞ്ഞു പോയതാണ്. ഭൂരിപക്ഷമെന്നും, സവർണനെന്നും ഫാസിസ്റ്റെന്നും ഒക്കെ നാഴികയ്ക്ക് നാല്പതു വട്ടം കേട്ട്, സ്വന്തം നാട്ടിൽ അഭയാർത്ഥിയെ പോലെ കഴിയേണ്ടി വന്ന, ഭാരതമെന്ന ഒരു നാടല്ലാതെ മറ്റൊന്നും സ്വന്തമായില്ലാത്ത ഒരുവനെന്ന നിലയിൽ പറഞ്ഞു പോകുകയാണ്.ഇത്രയും പറഞ്ഞതിന്റെ പേരിൽ എന്റെ നെറ്റിയിൽ ചാർത്താൻ ലേബലുകളുമായി “മതേതരത്വത്തിന്റെ” അപ്പോസ്തലന്മാർ പാഞ്ഞുവരുന്ന ശബ്ദം ഞാൻ കേൾക്കുന്നുണ്ട്.

ഒരഭ്യർഥനയുണ്ട് സുകുമാരേട്ടാ, ബാബറി കെട്ടിടത്തെ പറ്റി ധാരാളം വസ്തുതകൾ, തെളിവുകൾ ലഭ്യമാണ്. അല്പമെങ്കിലും ഒന്ന് വായിച്ച് മനസിലാക്കൂ. താങ്കളെ പോലെ വായിക്കുന്ന, പൊതുകാര്യങ്ങൾ മനസിലാക്കുന്ന ഒരാൾ ഇത്രമാത്രം ലഘുവായി, ബാഹ്യതലസ്പർശിയായി മാത്രം ഒരു വിഷയത്തെ കാണുന്നത് കണ്ടപ്പോൾ വേദന തോന്നി എന്നതാണു സത്യം. ബ്ലോഗിലെ ഇസ്ലാമ്യൂണിസ്റ്റ് സഖ്യം പറയുന്ന ബാലിശമായ വാദങ്ങൾക്കപ്പുറം താങ്കളും കടക്കുന്നില്ല എന്ന് കണ്ടപ്പോൾ, താങ്കളെ കുറേ നാളുകളായി വായിക്കുന്ന ഒരാളെന്ന നിലയിൽ അത്ഭുതം തോന്നി എന്നതാണു സത്യം.

സുകുമാരേട്ടനോട് ചോദിക്കാനുള്ളത്, ഇത്രയും നേരം പറഞ്ഞതിന്റെ ഒരു രത്നച്ചുരുക്കം മാത്രം :

“അയോധ്യ എന്നത് ബാബറിന്റെ വിജയചിഹ്നം എന്നതിലുപറ്റി, മുസ്ലിങ്ങളുടെ ‘ഒരേ ഒരു’ പോയിട്ട് “ഒരു” പുണ്യഭൂമി പോലും അല്ല എന്നിരിക്കെ, മുസ്ലിം മതചരിത്രത്തിൽ ആ പ്രദേശത്തിനു യാതൊരു പ്രാധാന്യവും ഇല്ലെന്നിരിക്കെ, എന്നാൽ ഹിന്ദുക്കൾ അവരുടേ വിശ്വാസത്തിലേ ഏറ്റവും പ്രധാന 5 നഗരങ്ങളിൽ ഒന്നായി (അയോധ്യ,കാശി,കാഞ്ചി, മധുര,ദ്വാരക) അയോധ്യയെ കാണുന്നു എന്നിരിക്കെ, ഹിന്ദുക്കളോട് മുസ്ലിങ്ങൾ വിട്ടുവീഴ്ച കാണിക്കണം, അവിടെ ക്ഷേത്രനിർമ്മാണം അനുവദിക്കണം, അതു പോലെ സമീപ സ്ഥലത്ത് മുസ്ലിം മോസ്ക് നിർമ്മാണത്തിനു ഹിന്ദുക്കളും അനുവദിക്കണം - ഒരു പരസ്പര സഹകരണം - പരസ്പര വിട്ടുവീഴ്ച കൈക്കൊള്ളണം” എന്ന് പറയുവാനുള്ള തന്റേടം-ധൈര്യം- സത്യസന്ധത താങ്കൾക്ക് ഉണ്ടോ എന്നാണെനിക്കറിയേണ്ടത്.

PRINT

സ്നേഹപൂര്‍വ്വം അഹങ്കാരി