വായിക്കാന്‍ വിട്ടുപോയ ഒരു വാര്‍ത്ത....

ഏതൊരു സംഭവത്തിലുമുള്ള ഹിന്ദുക്കളുടെ പങ്ക് കണ്ടെത്തി തലനാരിഴ കീറി അത് “സംഘപരിവാര്‍ ഭീകരതയായി” വ്യാഖ്യാനിക്കാനും അതിനെ ദിവസങ്ങളോളം പത്രമാധ്യമങ്ങളില്‍ നിറച്ച് നിര്‍ത്തി ചര്‍ച്ച ചെയ്യാനും നാമോരോരുത്തരും ബദ്ധശ്രദ്ധരാണല്ലോ!

പക്ഷേ ചില വാര്‍ത്തകള്‍ മാത്രം നാമെല്ലാം മനഃപൂര്‍വ്വം തമസ്കരിക്കാറുണ്ട്...

തിരഞ്ഞെടുപ്പുദ്യോഗസ്ഥന്‍ ഏത്തമിടീച്ചതിലും സംഘപരിവാര്‍ ഭീകരത കണ്ടെത്തിയ “പിണറായീസ് മതേതര നിയമങ്ങളും” ‘കുരങ്ങന്‍’ കുഞ്ഞഹമ്മദുമാരേയുമൊന്നും അത്തരം സന്ദര്‍ഭങ്ങളില്‍ നാം കാണാറില്ല...
ഇത്തരം സന്ദര്‍ഭങ്ങള്‍ പരാമര്‍ശിച്ച് ജനങ്ങളില്‍ സംഘര്‍ഷമുണ്ടാക്കണമെന്നല്ല ഞാന്‍ പറഞ്ഞതിന്റെ അര്‍ത്ഥം....ചരിത്രവും സംഭവങ്ങളും പരാമര്‍ശിക്കുമ്പോള്‍ അത് പൂ‍ര്‍ണമായും ചെയ്യണം...അല്ലാതെ സംഭവങ്ങളുടെ ഒരു ഭാഗം മാത്രം എടുത്ത് “ഇരവാ‍ദവും പ്രതിരോധവും“ ഒക്കെ കൊണ്ട് ജനങ്ങളുടെ മനസില്‍ വിദ്വേഷം മുളപ്പിച്ച് മുതലെടുക്കുകയല്ല....

നാവെടുത്താല്‍ നാഴികയ്ക്ക് നാല്‍പ്പത് വട്ടം സംഘപരിവാര്‍, സംഘപരിവാര്‍ എന്ന് ഉരുവിടുന്ന പിണറായിയും കുഞ്ഞഹമ്മദുമൊന്നും ദാ ഈ ഇസംഭവങ്ങളില്‍ പ്രതികരിച്ച് കണ്ടതേ ഇല്ല....എന്താണോ എന്തോ!

(മഹാരാഷ്ട്രയില്‍ ബിജെപി ആയിരുന്നുവെങ്കില്‍ ‘ന്യൂനപക്ഷത്തിനെതിരെ പോലീസ് അക്രമം’ എന്നെങ്കിലും പറയാരുന്നു...ഇതിപ്പോ അതിനു സ്കോപ്പില്ലല്ലോ എന്റെ കാറല്‍ മാര്‍ക്സ് മുത്തപ്പാ...)




അല്ല, ഇത്തരത്തിലുള്ള വാര്‍ത്തകളും , ചൈന Xinjiangഇല്‍ മുസ്ലീങ്ങളെ കൊന്നൊടുക്കുന്ന വാര്‍ത്തകളുമൊന്നും കേരളത്തിലെ മതേതരവാദികള്‍ ചര്‍ച്ച ചെയ്യില്ലല്ലോ!

ഇസ്രയേലു കൊന്നാലും ചൈന കൊന്നാലും ഒരുപോലല്ലേ സഖാവേ എന്ന് ചോദിക്കരുത്! നിങ്ങള്‍ “ഫാസിസ്റ്റ് അഞ്ചാം‌പത്തി” ആകും! (പണ്ട് പീപിള്‍സ് വാര്‍ നേതാജിയെ വിളിച്ചിരുന്നത് പോലെ...)

നമുക്ക് ഇത്തരം വാര്‍ത്തകള്‍ തമസ്കരിക്കാം (ശരിയാണ്, ഇത്തരം വാര്‍ത്തകള്‍ തമസ്കരിക്കപ്പെടുക തന്നെയാണ് നല്ലത്), പക്ഷേ പകരം രണ്ടാഴ്ചത്തേയ്ക്ക് പബ് വിഷയം ചര്‍ച്ച ചെയ്യുമ്പോഴും (ശ്രീരാമസേനയെ ഞാന്‍ ന്യായീകരിക്കുന്നില്ല , അവന്മാര്‍ പോക്രിത്തരം തന്നെയാണ് കാട്ടിയത്, എന്നാല്‍ അതിന്റെ പേരില്‍ പിന്നീടു വന്ന ചര്‍ച്ച സഹിക്കാന്‍ പറ്റിയില്ല...പെണ്‍കുട്ടികളോട് “ബാര്‍ നിറയ്ക്കൂ” എന്നാഹ്വാനം ചെയ്ത കേന്ദ്രമന്ത്രിയും വെള്ളമടി മൌലീകാവകാശമെന്ന നിലയിലുള്ള പിണറായി-കെ‌ഇ‌എന്‍ ചര്‍ച്ചകളും തീരെ മനസിലായുമില്ല....) എന്തിലുമേതിലും ഇരവാദം കുത്തിനിറയ്ക്കുമ്പോഴും ഇങ്ങനെ ചിലതും ഇന്ത്യയില്‍ നടക്കുന്നുണ്ടെന്നും കൂടി ജനങ്ങള്‍ മനസിലാക്കണ്ടേ?


ഈ സംഘര്‍ഷത്തിനു കാരണമായി അവര്‍ പറയുന്നതോ? ശിവജി അഫ്സല്‍ ഖാനെ കൊല്ലുന്ന ഒരു പോസ്റ്റര്‍! (ഹിന്ദു ദേവിദേവന്മാരെ വളരെയധികം മോശമായി ചിത്രീകരിച്ച മംഗലാപുരത്തെ സത്യദര്‍ശിനി എന്ന പുസ്തകം വെണം...കാരണം ഇത് മതേതര ഇന്ത്യ...എന്നാല്‍ മഹാരാഷ്ട്രരുടെ ആരാധ്യപുരുഷനായ ശിവജിയുടെ പോസ്റ്റര്‍ പാടില്ല....കാരണം മതേതര ഇന്ത്യ!!!)....(സഖാവേ...വരൂ...നമുക്കിനി അതില്‍ പിടിച്ച് തൂങ്ങാം....)


സഖാക്കന്മാരോട് രണ്ടു ചോദ്യങ്ങള്‍ :

1) നിങ്ങളുടെ ഒരു റാലിയിലേക്ക് ഇങ്ങനെ കല്ലെറിയുന്നവര്‍/ കോണ്‍ഗ്രസ് പതാ‍ക ഉയര്‍ത്തുന്നവര്‍ / നിങ്ങളുടെ കൊടി തോരണങ്ങള്‍ നശിപ്പിക്കൂന്നവര്‍ - ഇവരെ നിങ്ങള്‍ എങ്ങനെ കൈക്കാ‍ര്യം ചെയ്യും? സ്നേഹത്തോടെ വിളിച്ച് ചായയും പരിപ്പ് വടയും നല്‍കി പുറത്ത് തട്ടി പറഞ്ഞുവിടുമോ? അതോ.... (അത് എങ്ങനെ ആയിരിക്കുമെന്നതിനു ധാരാളം ഉദാഹരണങ്ങള്‍ നമുക്ക് മുന്നിലുണ്ടല്ലോ!എന്റെ ബ്ലോഗില്‍ തന്നെ പത്തോളം ഉദാഹരണങ്ങളുണ്ട്...പിണറായിയുടെ ജാഥയ്ക്ക് നേരെ കൂവിയ ആളെ പിന്നീട് മെഡിക്കല്‍ കോളേജിലേക്കെടുത്ത സംഭവവും ഒക്കെ..... :) )

2) ഇതേ സംഭവം തിരിച്ചായിരുന്നു എങ്കില്‍, ഒരു മുസ്ലീം ആഘോഷത്തിനിടയില്‍ വെറുതേ ഒരു കാവിക്കൊടി പൊന്തിച്ചിരുന്നുവെങ്കില്‍, ഇതേ പോലെ വാര്‍ത്ത തമസ്കരിക്കുകയായിരിക്കുമോ നിങ്ങള്‍ ചെയ്യുക?
ഉത്തരങ്ങള്‍ എന്തായിരിക്കുമെന്ന് സ്ഥിരമായി ദേശാഭിമാനി വായിക്കുന്നവനായത് കൊണ്ട് എനിക്കൂഹിക്കാം......

ആട്ടിന്‍ തോല്‍ നല്ലതാണ്...അതിടുന്നത് ചെന്നായ് അല്ലാത്തിടത്തോളം.....

---

മതേതരവാദികളോട് : ഇത് തികച്ചും വര്‍ഗീയപരവും ‘സമാധാനത്തില്‍ കഴിയുന്ന ജനങ്ങളേ തമ്മില്‍ തല്ലിക്കാനും’ തീവ്രവാദം വളര്‍ത്താനും മാത്രം ഉദ്ദേശിച്ചുള്ള ഒരു പോസ്റ്റാണ്. ആവശ്യത്തിലും അനാവശ്യത്തിലും ബാബറി,ഗുജറാത്ത് മുതലായ പദങ്ങള്‍ ഉഅപയോഗിച്ചിട്ടും തകരാത്ത ആ സമാധാനം തകര്‍ക്കുക എന്നത് മാത്രമാണ് ഉദ്ദേശം.

(ഈ പോസ്റ്റില്‍ അവസാനം നിങ്ങള്‍ പറയാന്‍ പോകുന്ന കമന്റ് ഞാന്‍ നേരത്തേ പറഞ്ഞു എന്ന് മാത്രം!)

PRINT

സ്നേഹപൂര്‍വ്വം അഹങ്കാരി